Reports hisap te, duijun arrest huwa manu majotey ekjun tu maiki thakisey.
Arrest huwa manu khan laga naam Dimple Gogoi aro Monalisa thakisey.
Etu duijun ke arrest kora tu taikhan para cha bagan laga area te Basanta Das koikina ekjun manu ke guli mara nimitey asey.
Kun manu ke taikhan para guli marisey etu manu tu bisi biya para jokhom khaikina thakisey aro Jorhat Medical College and Hospital (JMCH) te admit hoikina asey.
Hoilebi tai serious halat te thaka nimitey taikey picheyte Guwahati laga ekta hospital te shift kuridisey.
Reports hisap te guli laga manu aro duijun guli mara manu majotey ekun chukri laga affair chuli thakisey.
Hoilebi, guli mara laga ki karon asey etu janibole paranai.
Ekta source para koisey ki taikhan duijun laga majotey jhagra olaisey aro jhagra kuri thaka homoitey guli mara mari kurisey. Aro suru te investigation kora te etu janibole paisey ki etu tu poila para plan kurikina kora laga asey.
Basanta Das ke Jorhat laga Lichubari area te thaka ekta cha bagan osor te tai tailaga car te travel kuri thaka homoitey guli marisiley.
Etu mamla te investigation chuli asey.
Add Comment