Juwa saal te Mukesh Ambani ke overtake kurikina 2022 Forbes list te first position te aha Gautam Adani tu etu saal laga Forbes list te second position te girisey.
Gautam Adani laga pura kamayi, kuntu te tailaga parivar laga kamayi bi shamil asey etu tu $ 82 billion para $68 billion tak girijaisey. Etu tu US short-seller Hindenburg Research para January moina te Adani Group laga khilaf te ekta report ola nimiteyasey.
Forbes para koisey, “Ambani laga business uthikina olop homoi huwa picheyte aro taikhan para Jio Financial Services ke stock exchange te list kora picheyte Ambani para tailaga 3jun baccha ke August moina te Reliance board laga non-executive director appoint kurikina tailaga plan ke success kuridisey.”
Etu homoitey, India laga 100 Richest manu laga dhon tu etu saal te milaikina pura puri $ 799 billion thakisey
Software tycoon, Shiv Nadar tu duita spot para uthikina $ 29.3 billion laga dhon logotey 3rd place te girisey.
OP Jindal Group laga Matriarch Savitri Jindal tu $ 24 billion laga kimat logotey fourth rank te jaisey.
Top 5 te, Avenue Supermarts laga Radhakishan Damani thakisey kun laga dhon $ 27.6 billion para girikina $ 23 billion te girijaisey.
List laga hisap te, Shamsheer Vayalil tu $ 3.7 billion laga dhon logotey 57th rank te pungchisey.
Shamsheer laga etu saal laga kamayi 2022 te thaka $ 2.2 billion para uthikina 68% hoijaisey. Kuntu para taikey India laga sobsey bisi ameer doctor banaidisey.
Forbes 100 richest man laga top 10 bhitor te, Cyrus Poonawalla (6th, $20.7 billion), Hinduja Famila (7th, $ 20 billion), Dilip Shanghvi (8th, $ 19 billion), Kumar Birla (9th, $ 17.5 billion) aro Shapoor Mistry & Family ( 10th, $ 16.9 billion) thakisey.
Etu list ke parivar aro manu khan, stock exchange, analysts aro India laga regulatory agency para sharedhora aro poisa laga jankari paikina banaisey.
Add Comment