October 24, 2023: Addiction tho ekta complex issue ekta ase kuto manu, family aro communities kan keh affect kureh. Etu addiction tho socio-economic, cultural aro age boundaries kan pure par kuri nah bhal taka kan sob bia kuri deh. Addiction lho alak alak jaka kan para ahae, substance addiction (Drugs, alcohol) aro behavioral addiction (gambling, video gaming).
Addiction kinaka shuru hoi aro kile hoi? Etu issue tho khali ekta jaka para naolai. Apni laka genetics, environment aro psychological factors kan milia nah addiction tho ahi jai.
Genetic factors: Apni laka addiction tho Genetics para hobo pare. Research laka isap deh kun ba manu kan tho alak manu lokot deh addiction deh gusi bole bishi chance ase kui nah dikai.
Environmental Factors: Manu kan laka environment maneh taikan laka surroundings kan isap deh b addiction tho ola bole pare. Manu kan kun ghor ekta kute substance abuse, alcohol kan nishi nah kabo leh normal ase nahoi leh b hotai kha dikae, etu ghor deh dangor hua manu kan addiction deh gusi bole bishi chance ase.
Psychological factors: Khali genetics aro environment deh he nahoi nah manu laka mental health b ekta cause ase. Mental health disorder, depression, anxiety aro trauma kan nishi nha addiction lokot linked ase. Manu kan taikan laka problems kan hata bo kanre nahoi leh b pahuri jabo karne substance deh jabo pareh.
Addictions laka consequences kan tho bishi ase aro khali manu nijor keh heh affect nakuri nah taikan keh morom kura manu kan keh b affect kuri bo pare. Substance addiction kan para laka laka health problems kan ani deh. Liver disease, cardiovascular issues aro infectious disease laka risk kan aro uthai deh. Behavioral addiction kan para tho aro heart problems kan ani deh. Etu heh nahoi nah addictions para manu laka family aro sathi kan lokot relations b bia kuri d bo pare. Manu laka majo deh biswas b kati deh aro kotha b nakrua hui jai aro enaka hua tho manu ekla hui jai.
Etu addictions kan hata bole bishi du karo challenging ase hoile b ekdum kuri bo napareh laka kotha nahoi. Alak laka solution kan bishi ase kuto addiction hata bole moto kureh. Sobse bhal rasta tho professional treatment lua ase. Tate therapy, counselling, medication kan taki bo kuto addiction kan tho overcome kuri bole moto kuri bo. Aro laka ekta tho healthy lifestyle ase. Regular exercise, balance diet aro thik para gumai leh addiction tho hata bole moto kuribo pare. Etu kan heh nahoi nah sobse dangor tho motot tho apni laka sathi aro family lokot pavo. Family aro sathi kan kun addiction face kura manu keh itia b morom aro support kureh, taikan para sobse motot tho pavo aro taikan lokot osor taki bole lake.
Addictions kan hata bole bishi duk aro dictar ase. Etu karne nahua time para heh prevent kuri bo lakeh paratak aro manu kan keh b janai d bo lakeh. Hoile b hata bole impossible nahoi. Manu kan bishi addictions para olai jai shae aro etu kan hata bole bishi deri nahoi itia b. Thik support aro ki kuri bo lakeh, etu kan kuri leh tho addiction hata bole pare. Addiction tho public health issue ase kui nah address kuri leh aro support kan thik di leh, mukan manu kan keh motot kuri bo paribo addiction hata bole aro taikan laka life baja bole.
Add Comment