US, 26 October : Ekta 23 saal umaar customer toh 10 gandha nishina ekta dabgor vault pitor dey fasina thakishey Manhattan laga Diamond District dey. Itu customer toh building laga pitor 580 Fifth Avenue dey fasi jaishey 7 p.m. phaney aro 6 a.m. nishina dey aazat kuri dishey Wednesday dey, ABC News para report kurua hisab dey.
Reports para kuishey ki customer toh security vault pitor dey tai laga safety deposit box luwoley jaishey kitia tai fasi jaishey.
Official reports hisab dey, building pitor dey employees para customer pitor dey thakia toh najanina vault bondh kuri dishey. Itu toh ekta time-mechanism vault thakishey, maaney itu toh ekta time clock para hi chuli thakey, aro darwaza toh ekta time napunchia tak khuliwo naparey.
“Itu bondh hua homoi dey ekta customer itu vault pitor dey thakishey. Itu ekbar bondh huina, itu toh ekta timing mechanism dey thakey. Itu vault toh ekta time napunchia tak nakhulibo,” FDNY Chief John Sarrocco kuishey ABC News ke.
FDNY aro NYPD personnel para 10 gandha nishina vault pitor dey phangawoley kosis kurishy, kitia police para New York Post ke janai dishey.
Mr. Sarrocco para janai dishey ki taikhan 30 inches nishina concrete girawoley lagishey vault laga metal plating phangawoley.
Crew khan itu fasina thakia manu logot phone para khota kui thakishey aro taike camera para dikhiwo pari thakishey.
“Vault toh tai nijor khulishey – itu toh ekta timing mechanism dey asey- aro taike vault para ulai dishey,” Mr. Sarrocco kuishey.
Vault toh automatically khulishey, aro customer toh ulai jaishey.
DGA Securities website hisab dey, vault para “security, services, aro aji laga Diamond District dey business conduct kuriboley tools provide kurey.”
“Itu vault ke DGA laga security network aro surveillance systems para pachaina rakhey, ek din dey 24 gandha monitor kurey, 365 din ek saal dey,” itu kuishey.
Add Comment