Kerala, October 29 : Kerala laga Chief Minister Pinarayi Vijayan para Monday din te koisey ki ekta religious(dhormic) gathering te bisi bar bomb blast hoikina 3jun manu laga jaan jaija laga mamla te jaanch kora tu bisi bhal para agey bari asey. Etu Chief Minister para social media platform X te ekta post te manu khan ke etu bomb blast huwa laga connection te controversies(misa misi kotha khan) para dur thakibole aro etu ke nijor ke control kurikina aro ekjut hoikina samna kuribole request kurisey. Tai para etu kotha tu bomb blast huwa laga jaga ke visit kora picheyte aro etu bhayanak ghotna te murija manu khan laga parivar ke lok kora picheyte koisey.
CM Pinarayi Vijayan para X te koisey, “Aji Kalamassery te Zamra International Convention & Exhibition Centre te Sunday te blast huwa picheyte visit kurisey. Kumari aro Leona Paulus laga mon dukh hoikina thaka parivar khan ke lok kurisey. Aro, medical college te ilaj kuri thaka manu khan ke bi check kurisey aro taikhan para lagiya laga care di asey. Investigation tu bisi bhal para agey bari asey. Amikhan para etu mamla ke nijor ke control kurikina aro ekjut hoikina aro misa misi kotha khan para dur thakikina samna kuribo.”
Etu blast tu Koerala laga Kochi osor te thaka Kalamassery jaga laga ekta convention centre te Sunday din te hoisey jitya Jehovah’s Witness (US te 19th century para suru huwa ekta Christian dhormic group) laga ekta prayer meeting chuli thakisey. Suru te ekjun maiki murisiley aro 60 manu jokhom khaisiley aro 6jun manu tu biya para jokhom khaikina thakisey. Etu picheyte 6jun biya para jokhom khaikina thaka manu majotey aro ekjun 53 years laga maiki bi murijaisey. Monday morning tak te 12 years laga ekjun chukri murija picheyte manu mora laga number tu 3jun manu tak pungchisey.
Add Comment