KOHIMA, OCTOBER 21 : Kohima Forest Division khan laga modot pora Kigwema te function luwa time te Government High School Kigwema ke 15th October 2018 ke ‘Plastic Free’ bonaidishe . DFO Kohima, Rongsenlemla Imchen, IFS pora school khan ke dhandyaabad koishe tai khan bhaagh luwa nimete aro students khan ki kuribole lageh plastic pollution karne etu bi khali ekta plastic saaman chulabole karne kotha koikena janaishe. DFO Kohima pora koishe etu plastic-free school program luwa toh Green Initiative Program laga naam te luwa ase aro tai khan laga main focus toh Swachh Bharat, raising nurseries & plantation, fighting plastic pollution aro conservation activities nimete ase. Headmistress, GHS Kigwema, Kevitsieno pora department khan ke dhandyaabad kurishe etu initiative nimete aro koishe school khan etu kuri thakibo . Ruokuovikho Chale, Chairman Kigwema Biodiversity & Wild Life Committee pora khushi janaishe Department khan pora etu initiative shuru kura nimete environmental awareness khan janaidibole nimete .Etu school laga student aro faculties khan plastic free commitments loishe pledge pudikena .Etu pledge toh Ranger, Pezaneinuo pora kurishe .Etu din te Eco Friendly waste bins, pledge laga copy aro ekta plastic free signage dishe student khan ke department khan pora .
Add Comment