Jaipur, November 2 : Rajasthan laga Anti-Corruption Bureau (ACB) para Thursday din te koisey ki taikhan para ekjun Enforcement Directorate (ED) official aro tai laga saath diya manu ke arrest kurisey. Arrest korsa laga karon tu taikhan para Manipur te file kora ekta chit fund case te ekjun manu ke arrest hobole aro property attachment para bachabole nimitey Rs 15 lakh laga ghoos luwa nimitey asey.
ACB additional director general Hemant Priyadarshi para etu Enforcement Directorate laga naam tu Naval Kishore Meena asey koisey aro etu manu laga posting tu tu Manipur laga Imphal te thakisey. Tai para koisey ki etu Enforcement Directorate (ED) officer aro tailaga saath diya tatey laga local manu Babulal Meena para judi etu chit fund case te fasikina thaka manu para arrest aro property attachment para bachibole mon asey koiley Rs 17 lakh ghoose dibo lagibo koikina demand kurisey.
Priyadarshi para koisey ki etu ED official para Babulal Meena laga through para Rs 15 lakh ghoos loisey aro taikhan laga arrest tu etu case te complaint file kora tu verify kora picheyte hey Jaipur te kurisey.
Add Comment