India, 4 November : India all-rounder Hardik Pandya ke itia juli thakia Cricket World Cup 2023 laga bahar ulai dishey ekta ankle jokhum hua karoney, itu International Cricket Council para Saturday dey confirm kuri dishey. Hardik tai laga ankle ulta huishey India laga match juli thakia homoi Bangladesh laga khilaf MCA Stadium dey Pune October 19 dey. Tai India laga matches New Zealand, England aro Sri Lanka laga khikaf khilianai.
“India laga naharia shuruwat ICC mota laga Cricket World Cup dey, itu toh dangor hit paishey kitia khobor paishey ki star all-rounder Hardik Pandya toh tai laga ankle jokhum hua para bhaal huanai aro tournament dey pachia khan miss kuribo,” ICC kuishey ekta statement dey.
ICC laga Event Technical Committee para pacer Prasidh Krishna ke squad dey haliwoley maanishey Hardik laga replacement huwoley.
“India laga squad dey tai laga jagah toh Prasidh Krishna para lui luwo, itu inexperienced fast bowler khilia laga maidan dey hali dishey tournament laga Event Technical Committee para mania piche dey Saturday,” ICC laga ekta statement halishey.
ICC mota laga Cricket World Cup 2023 laga Event Technical Committee dey Wasim Khan (ICC General Manager – Cricket and ETC Chair), Chris Tetley (ICC Head of Events), Hemang Amin (Acting CEO – BCCI), Gaurav Saxena (General Manager – Operations, BCCI), Russel Arnold aro Simon Doull (Independent Representatives) milaina asey.
