Gernamy pora Saudi Arabia logode hatyar nadibole janaise

Agencies, 22 October: Poila Saudi Arabia deh journalist Jamal Khashoggi  bondukh morai kena moraidese. Etu pora tai khan laga desh ke biswas na-thaga chamala hoise. Etu karni  Germany desh pora tusara European Union member states logode tai khan nesana Saudi Arabia desh ke hatya nadibole janaise.  Riyadh pora Oct. 2 Istanbul jaga deh Khashoggi’s toh ke howah pora morise nahoile ke howah pora morise, etu khobor khan sob janaise. Sunday din Foreign Minister Adel al-Jubeir pora moraideya toh “huge and grave mistake” kowah thakise. Hoilebe Saudi Arabia’s prince logode bachabo lagi koise. Sunday din Chancellor Angela Merkel pora kowah toh, Gernamy khan Saudi Arabia deh hatya deya rokhibole aro Khashoggi’s moraideya chamala kothom nahowah tak hatyar nadibole janaise. Altmaier pora kowah toh, Riyadh’s pora etu case deh janaideya toh etya tak mondeh chuwah nai. Altmaier pora ZDF broadcaster deh janaideya toh, government toh hatyar olob time karni nadibole agreement jai ase. Kelay koile tai khan journalist moraideya laga khobor janibole mon howah karni. Etya tak Germany government pora Saudi Arabia logode 400 million euros ($462 million)  pora be besi hatyar dekena ase aro etu toh Algeria laga nejide second sobse dangor wala ase.