Agencies, 22 October: Authorities pora janaideya hesab deh Sunday din phalli Florida stadium laga osor rasta deh hamla howah pora six jun manu jokhom paise koise. Etu time deh NFL’s Houston Texans pora Jacksonville Jaguars logode jeta thakise. Jacksonville Sheriff’s Office laga investigations director Ron Lendvay pora 12:35 p.m deh besi par hamla hoise koise. Sunday din hamla howah time deh five moda aro ekta maike jokhom powah thakise. Jokhom powah khan sob toh hospital deh dara-dari jaa thakise aro tweet deh sheriff’s office pora tin-jun jokhom powah manu toh ektum beya condition deh ase kowah thakise. Hamla toh 1 p.m time deh khel suru nahowah time deh thakise. Lendvay pora game deh eku dekthari powah nai aro eku hatsa nahoi kena phal pora agae jai thakise koise. Aro investigators khan etu hamla toh gang hamla na ke ase janibole invigation jai ase koise. Sunday din Texans toh fourth par game jeta thakise. Tai khan Jaguars logode 20-7 pora jetise stadium, TIAA Bank Field jaga deh. Authorities khan jokhom pai kena thaga khan hamla howah deh meli-kena ase na nai jani powah nai.
Add Comment