Coimbatore, November 12 : Sunday (November 12) te, Coimbatore police ke bisi alag alag jaga te petrol bomb felabo koikina dawa kurikina ekta dhomki diya laga email pathaisey.
Etu Crime and Criminal Tracking Network and Systems portal ke patha email te koisey ki bisi alag alag jag ate petrol bomb felabole asey kuntu te BJP laga office bi shamil asey.
Police sources khan para koisey ki ekjun nachina manu para Saturday rati te, CCTNS portal laga through para police official khan ke ekta bomb felabole laga dhomki dikina email pathaisey.
Etu manu khan para dawa kurisey ki Coimbatore seher laga bisi alag alag jaga khan te petrol bomb felabo aro etu tu Centre te thaka Prime Minister Narendra Modi laga sarkar ke condemn kuribole nimitey asey.
Coimbatore City Police, kun khan para Diwali laga homoi te already security tight kuridisey taikhan para etu dhomki diya laga email te investigation kuribole suru kuridisey.
Hoilebi, Coimbatore seher laga Commissioner para etu email tu taikhan ke aney jukabole nimitey patha laga asey koisey. Etu Commissioner para enaka koisey, “Etu tu jukabole nimitey patha laga email asey aro police para enaka badmash kaam kora manu ke dhuribole investigation kuri asey.
October 13 te, Coimbatore laga Ukkadam koikina ekta jaga te ekta gari blast huwa te Jamesha Mubeen koikina ekjun manu murisey kun para mandir laga osor te gari te IED bomb dhalisiley. National Investigation Agency (NIA) para etu case te investigation kuri asey aro etya tak 14 suspect ke arrest kurisey.
Add Comment