New Delhi, November 13 : 2024 te hobole thaka Lok Sabha election agey te Trinamool Congress MP Mahua Moitra ke Monday din te West Bengal laga Krishnanagar (Nadia North) jaga laga district president appoint kurisey.
Etu TMC leader para picheyte social media X (poila te Twitter) te TMC laga Chief aro West Bengal laga Chief Minister Mamaa Banerjee ke taikey etu post te appoint kora nimitey dhanyabad disey.
Moitra ke Krishnanagar laga district president banaidiya tu Lok Sabha Ethics Committee para tailaga khilaf te cash-for-query(Parliament te sawal hudibole nimitey poisa luwa) laga iljam laga picheyte taikey assembly house para disqualify kuribole recommend kora picheyte asey.
Etu TMC leader para tailaga khilaf te etu iljam laga tu swikar kuribole mana kurisey aro etu iljam tu tailaga naam botnam kuribole, misa misi asey aro etu laga ek tukra saboot bi nai koisey.
Chairman Vinod Kumar Sonkar para head kora committee para juwa hapta laga Friday din te Lok Sabha speaker Om Birla laga office te Moitra laga against te enaka iljam laga la report submit kurisey.
TMC para Monday din te, West Bengal laga 35 organisational district nimitey district president khan laga ekta nutun list announce kurisey.
Moitra kun olop saal agey te Krishnanagar laga district president thakisey taikey reshuffle kora homoitey taikey Krishnanagar te district president laga post para hataidisiley. Hoilebi taikey etya aro Krishanagar laga district president wapas banaidisey.
Add Comment