Gujarat, 17 November : Gujarat laga Ahmedabad dey Hotel room tariff aro airfares toh daam bishi uthishey manu khan para demand kuria bishi thakia karoney kun cricket World Cup final match sawo mun asey India aro Australia maju dey kuntu Narendra Modi Stadium dey khiliwoley asey yatey ahia Sunday dey. Kitia world cup final laga phukar upar uthi asey, match laga raati karney hotel room tariffs toh Rs 2 lakh tak nishina upar uthishey sheher laga top five-star hotel khan dey, kitia laga alag hotel khan bhi five para seven par tak daam uthai dishey.
“World Cup final karney josh asey khali India ekela nahoi, huilewi abroad dey manu khan bhi Dubai, Australia aro South Africa khan nishina milaina match sawoley ahiwo muun asey,” Gujarat laga Hotel aro Restaurant Association laga federation laga President Narendra Somani para kuishey.
“5,000 room asey three stars aro five star hotel khan dey Ahmedabad, kitia Gujarat karney pura number toh 10,000 asey. Narendra Modi Stadium laga capacity toh 1.20 lakh manu khan upar asey aeo muikhan 30,000 para 40,000 tak manu khan match sawoley bahar para ahia expect kuribo paribo,” Tai kuishey.
Kitia hotel room karney demand toh bishi asey, taikhan laga rate bhi uthi asey, tai kuishey, halishey ki room khan kuntu agey dey nominal rates dey pai thakishey itu khan Rs 50,000 aro Rs 1.25 lakh maju tak pahunjishey.
“Manu khan hotel room book nakuria agey dey flight ticket book kurey. Khali Ahmedabad ekela dey nahoi huilewi osor dey thakia town khan dey bhi hotel room laga daam uthibo kitia match toh osor ahi asey,” Tai kuishey.
Add Comment