Mumbai, 21 November : Indian cricket team toh sob jitishey huilewi ekta match haarishey Cricket World Cup 2023 dey, Australia laga khilaf title battle harisheh six wickets para Sunday dey Narendra Modi Stadium Ahmedabad dey. Prime Minister Narendra Modi toh match saishey Home Minister Amit Shah logot fans bishi haazar logot 12-saal ODI World Cup ke rukhia toh khotom huwoley bisas rakhina. Huilewi Pat Cummins laga mota khan Rohit Sharma laga army agey bhaal khilishey, host desh ke niraash kurishey. Rohit, Virat Kohli, aro alag khan afsos hua dikhina, PM Modi toh taikhan ke Team India laga dressing room dey log paishey.
PIB para ekta video sharw kuria dey, PM Modi para niraash team ke bhaal khota kuina phusla laga dikhiwo parey, sob khiladi ke ekta ekta khota kuina.
“Apuni khan 10 khel consecutively jitina ahishey. Itu ekta haar toh normal asey, itu khan hui thakey. Smile kurini, pura desh apuni ke sai asey. Mui khali phabishey ki mui apuni khan logot ahina log pawo,” PM Modi kuishey.
“Hui thakey itu khan,” tai Rohit Sharma aro Virat Kohli ke kuishey, taikhan laga haat dhurina.
Ravindra Jadeja ke khota kuina, kun ekya fellow Gujarati aseg, PM para kuishey, “Kya babu?”.
Mohammed Shami logot ahine, kun tournament dey top wicket-taker nishina khotom huishey, Prime Minister para taike hug kurishey. “Arrey Shami, itu par bishi bhaal kurishey.” Tai kuishey.
Jasprit Bumrah ke, tai kuishey: “Tui Gujarati khota kui?” Bumrah jawaan dishey, “olob parey”.
Agey video dey, PM Modi kuishey, “apunj khan bishi muun dina kaam kurishey aro bishi bhaal khilishey. Eki logot ki thakibi aro ekjun ekjun ke motivate kuri thakibi. Aro, juti tuikhan kitiaba free thakiley aro Delhi dey thakiley toh aro log pawo. Apuni khan ke mui laga side dey swagat kuri asey.”
Indian cricket team toh World Cup dey harawoley naparina thakishey 10 matches jitina tournament dey Australia para final dey naharai dia agey dey.
Add Comment