December 1, 2023: Elon Musk kun Tesla, Space X aro X laka CEO ase, tai tho controversy deh najana manu nahoi. Tai hotai taila X account deh taila opinions kan share kuri bole jai alak alak topics deh. Hoile b CNBC news deh tai remarks kan kwa tho backlash kan bishi ani shae aro Federal Communications Commissioner para b fine di shae tai keh.
Wednesday din deh, Musk Andrew Ross Sorkip lokot deh ekta cinterview lui shae New York Times DealBook Summit deh. Tateh tai anti-Semitism , advertiser boycott, Tesla , AI aro bishi topic deh kotha kuri shae.
Ross para Musk keh Ads aro PR laka huda time deh, Elon para advertisers kan tho taila antisemitic post karne chara nahoi kui shae.
“Mukan kun muikeh advertising para blackmail kuri bo mun jai leh? Olai jabi, Huni shae nah nahoi?”. Tesla CEO para Disney CEO Bob Iger keh b address kuri shae “Hi Bob!” kui nah.
Tai para etu advertisers kan kun taila post karne X para olai jai ase, taila fans kan taikan keh forgive nakuri bo kui nah warning di shae.” Etu advertisers kan company keh murai di shae kui nah dunia kan sob jani bo aro mukan etu thik para document kuri bo. Munu kan mui keh kushi napa tho eku nalegeh mui.”
Musk para taila post karne maff b mangi shae aro itia takt tho tai para sobse foolish kam kura ase kui shae utu tho. Musk para tai antisemitic nahoi kui shae. Tai etu hapta deh Prime Minister Benjamin Netanyahu keh b mili shae aro Gaza wapas bana bole moto kuri bo kui shae.
Add Comment