Dibrugarh, December 1 : Assam laga security forces khan para NSCN-KYA chief Yung Aung laga chutu bhai ke arrest kurisey.
NSCN-KYA chief Yung Aung laga chutu bhai Marmet Ngaimong nijor bi NSCN-KYA laga ekta shakt cadre(member) asey.
Ngaimong ke Assam police aro Army para Tinsukia district laga Jagun jaga para dhurisey.
Ngaimong ke titya arrest kurisey jitya tai Assam laga Digboi, Jagun aro Jairampur jaga laga rasta para Myanmar te thaka NSCN- KYA camp fale jai thakisey.
Tai logotey Manipur laga duijun PREPAK(ekta gair kanooni organization) cadre ke bi Assam te security forces khan para arrest kurisey.
Etu duijun arrest huwa PREPAK cadre laga naam tu Nongthombam Kabichandram Singh aro Pebam Akash Singh asey aro taikhna tu Manipur laga Imphal East aro Imphal West district para thakisey.
Add Comment