December 5, 2023 Tuesday din deh Israel kan Gaza laka 2nd largest city osor deh deh bomb kan kura shuru kuri di shae. Ambulance aro private cars kan jokom manu keh buki kina phat ekta local hospital deh lui jah shuru hui shae etu nutun war laka phase deh.
US kan Israel kan keh bishi causalities nani bole pressure di ase aro Israel kan taikan laka hamla tho thik thik jaka deh heh dibo kui shae. Taikan bishi wak north laka jaka deh bomb kura piche itia South laka jaka deh jai ase bomb kuri bole.
Khan Younis laka Nasser Hospital deh, ambulances kan jokom kah manu bishi nai ase ek rati pitor deh. Ekbar tho ekta gari hospital deh ahi shae aro mota ekjun bacha ekta keh buki nah ahi shae kun laka hath bomb para olai di shae.
“Kute Red Cross ase? Kuteh United Nations ase? ekta maike emergency department laka bahr deh kui shae. “Muila bacha 10pm para pator laka niche deh pasi nah ase.”
Sunday din Satellite para jaka laka photos kan lui shae. Etu photos deh Khan Younis laka bahar deh tanks aro troops kan jama hui nah taki shae. War nahua time deh utu jaka deh 400,000 manu bui taki shae.
World Health Organization laka official ekjun para Gaza laka situation tho aro bia hui ase kui shae. “Situation tho bia hui ase hui ase,” Richar Peeperkorn, Apelstinian laka WHO representative para reporters kan keh kui shae. “Khan Younis aro Rafah laka jaka deh b bomb kan kuri ase osor jaka aro pitor jaka kan deh.”
Add Comment