Spain, 7 December : Rafael Nadal para Wednesday dey kuisheh tai “competitive” huwo kitia tai professional tennis dey wapis ahiwo ahia mahina, ek saal nishna jokhum karoney nakhilna buhia piche dey. Itu 22-par Grand Slam champion toh tuibar surgery luishey2023 dey ekta hip jokhum hua piche dey. Tai kuishey ahia saal toh tai karney last season huwo parey retirement nahua agey dey aro jaa haafta announce kurishey ki tai comeback aniwo Australian Open warm-up event dey Brisbane, kuntu January 1 para shuru huina 7 tak chuliwo. “Mui najaney ki level dey mui khilibo, mui najaney ki expect kuribo lagey, mui eku idea nai, huilewi itia mui hisab nai,” Nadal kuishey ekta video dey kuntu social media dey post kurishey. “Mui wapis ahia para hi khushi asey aro bishi excitement logot khushi pawoley ki lagey itu kosis haliwoley aro mui bisas asey mui competitive huwo.”
Nadal toh jaa par Australian Open dey khilishey January dey, second round dey haarishey American MacKenzie McDonald laga khilaf.
Tai clay-court season karney wapis ahiwoley phabna kurishey aro Roland Garros, kutey tai ekta 14-par French Open winner asey, huilewi tai laga campaign julti khotom kuribo lagi jaishey.
Itu 37-saal Spaniard toh 664th niche girishey duniya laga rankings dey sidelin thakia homoi.
“Itu bishi lamba saal thakishey kutey mui bishi phases dikhishey, clay season dey khiliboley kosis kuria para luina, haafta para haafta, disappointment para disappointment,” kuishey itu former world number one.
Add Comment