December 13, 2023: Manu kan bishi spiders kan keh bui aro Hollywood actress Sydney Sweeney b buik ah manu deh ekta ase. Actress kun taila upcoming project Anyone But You karne filming kuri ase, tai para ekta bui kah laka experience share kuri shae set deh. The Tonight Show Starring Jimmy Fallon deh interview lua time deh, Sydney para ekta trained spider lokot ekta scene film kura time deh buik ah experience tho share kuri shae. Tai muri jab oleh ase kui nah papna kura laka experience tho kui shae.
Janwar lokot kam kuri bole safe ase kui nah b, Sydney para trained spider tho taike bite kuri shae kui shae. Sydney tho ekta dramatic scene shot kuri bole taki shae kute taila partner laka boton deh spider ekta taki shae. “Taikan para spider tho trained ase kui shae. Spider keh kinaka train kureh ki janeh,” Sydney kui shae.
Etu piche deh ki hudi shae kui nah huda time deh Sydney para etu kui shae,” Spider mui keh bite kuri taki shae.” Team tho tai acting kuri ase kui nah papi taki shae kile koile hala kura tho aro kara hui taki shae. Hoile b husa laka hala kuri ase kui nah jana taka nai.”Hoile b mukan scene laka middle deh taki shae aro mui hala kuri bole lakai shae scene deh. Hoile b mui hala kura tho olop serious hui jai shae.”
Hoile b Glen para diki lui shae ki hui ase kui nah aro rukai di shae motot kuri bole. Sydney laka jokom tho medic laka team para treat kui lui shae.
Add Comment