Bartow, 25 October: Wednesday din police officials pora khobor janaideya hesab deh, central Florida jaga laga tuita middle-school maike pora school deh chakku anise. Etu tuita maike pora school deh chakku anna toh tai khan laga classmates ke kati kena tai khan laga kun kaabole aro tai khan nejor morijabole plan kori kena anna laga ase. Bartow Police Department khobor hesab deh, Tuesday din Bartow Middle School jaga deh tuita maike sal 11 aro 12 pora chakku anna thakise. Hoilebe kon kebe hamla howah nai. Tusara charge khan majode, etu tuita maike logode first-degree murder aro school deh hatyar anna karni charfe kori kena ase. Etu tuita maike logode juveniles nahoile adults pora charge koribole toh prosecutors opor deh ase. Arrest howah bechide etu tuita maike ke juvenile detention facility jaga deh pothaise. Detective khan pora etu tuita maike pora hamla koribole plan kora toh “scary” movies shaa time deh plan kora laga ase koise. Tweet deh schools pora khobor janide kena thaga toh, school staff khan suspect thaga karni joldi report korise. Student toh custody deh ase aro konbe jokhom khaa nai koise.
Add Comment