December 30, 2023: Friday din deh China para Dong Jun keh nutun defense minister banai di shae. Tai Li Shangfu keh replace kuri shae kun August mohina para hari nah ase aro eku explanation na di kina October deh hatai di shae post para. Chinese President Xi Jinping tho taila military keh upgrade kuri bole push kuri ase China deh ekta dominant world power ban abo karne.
Dong,62, tho People’s Liberation Army (PLA) laka navy chief taki agae deh. Etu nataka time deh, tai PLA laka pitor deh sob division deh srave kuri nah taki shae. Tathe Northern Sea Fleet, Eastern Sea Fleet aro Southern Command Theatre b ase.
China laka defense minister laka role tho PLA laka public face hobo lakeh media aro alak militaries kan lokot kotha kuri bole. Hoile b alak country nishi nah ministry tho defense policy deh kubo leh bishi nai, maneh power eman nai taia laka hath deh decision bana bole.
Add Comment