January 3, 2024: Tuesday rati deh ekta Israeli drone Beirut laka southern suburbs deh strike kura tho Deputy Hamas chief Saleh al-Arouri keh murai di shae. Beirut laka southern suburbs-Daliyeh tho allied Lebanese militant group Hezbollah laka stronghold ekta ase, teetha security sources para kui shae Reuters keh. Reuters kan para questions kan huda time deh, Israeli military para taikan foreign media deh taka reports kan keh jawab nadeh kui shae. Lebanon laka national news agency para drone tho Hamas laka office deh strike hua time deh choitha manu muri jai shae kui shae. Tuita security sources para strike tho ekta meeting keh target kuri shae kui shae aro alak ekta Palestinian militant commander b tateh taki shae kui shae. Hoile b utu chartha causalities deh kobor nai kui shae.
Mark Regev, Israeli Prime Minister Benjamin Netanyahu laka adviser para MSNBC keh Israel kan etu hamla akrne responsibility lua nai kui shae hoile b kun kuri shae, tai tho clear hobo lakeh kui shae: Etu tho Lebanese state deh target taka nai kui nah. “Kun kuri shae, etu tho Hamas leadership laka against ekta surgical strike kuri shae.
Etu hua piche deh Israel kan ki hobo leh ase, etu sob karne ready ase kui shae aro taikan tho Wednesday din deh b Gaza keh bomb kuri taki shae. Arouri aro alak choitha militants kan murai dia piche deh, Israeli army laka spokesperson Danile Hagari para military tho high alert deh ase kui shae sob jaka deh aro sob karne ready ase kui shae.
Add Comment