January 6, 2024: January 6 deh rocket laka hamla ahi shae Lebanon laka jaka para, etu hamla tho northern Israel laka Mount Meron deh taki shae. Etu hamla tho Hezbollah taikan kuri shae kui shae. Ekta statement deh, terror group para taikan ekta Israel military installation deh target kuri taki shae kui shae. Jua hapta Lebanon deh Hamas official Saleh al-Arouri laka assassination hui shae aro Israeli kan kuri shae kui nah alleged hui naha se. Etu rocket laka hamla tho etu deh jawab dia ase kui ase.
Alak kobor deh Washington laka top diplomat Antony Blinken Turkey laka president Erdogan lokot mili bole ase Gaza war deh kotha kuri bo karne. Etu hua piche deh diplomat tho Crete deh jab oleh ase Greece laka jinta tho address kuri bole. Ankara keh US fighter jets bika tho Greece kan jinta deh ase.
Israeli defense minister Yoav Galland para local Palestinians kan civilians affairs run kuri bo kui shae Gaza deh. Aro Israel kan security control maintain kuri bo kui shae war kotom hua piche deh. Thursday din deh Galland para war kotom hua piche deh ki ki hoobo, etu deh kotha kuri shae kta daily press conference deh. “Gaza deh Israeli civilian kan nata kibo war laka goals kan tho achive hua piche deh. Gaza manu kan tho Palestinians kan ase, etu karne Palestinians bodies kan incharge di taki bo Israel laka against eku threat nai kui nah,” tai kui shae.
Add Comment