Imphal, January 11 : Imphal West laga Court of Chief Judicial Magistrate para Wednesday din te 12 maiki ke tin din nimitey kanooni custody te patahidisey. Etu tu Manipur te online te viral huwa ekta video laga connection te asey kotey ekjun jawan chukri ke bisna te tailaga face nicheyfale thakibole dikina biya para marisey.
Arrest huwa manu khan tu nutun form huwa Huiyel Mamom laga member khan thakisey. Etu Huiyel Mamom tu Manipur laga ekta social-cultural organization asey .
Taikhan ke arrest kora tu Imphal Police Station te FIR No. 06 (01)2024 IPS under te IPC laga Sections 326/354/506/34 IPC & 66E IT Act, 2000 laga under te etu police station nijor para case register kora laga adhar te kurisey.
Etu video te, 2023 laga 31 December aro 2024 laga 1st January(New Year) rati majotey ekjun jawan maiki ke ekjun manu para dusra khan laga modod loikina ekdam biya para mari thaka dikhaisey.
Etu mar kha maiki tu New Year laga jashan mana homoitey mudu khaikina nisha te thakisey.
Etu viral video te etu maiki ke ekjun manu para ekta patla lathi para mari thakisey aro dusra manu khan para etu maiki laga haath aro theng dhurikina thakisey.
Add Comment