Pakistan laga economy deh dekthari nahobo: China’s envoy

Agencies, 27 October: Friday din China’s Ambassador Yao Jing pora kowah hesab deh, China-Pakistan Economic Corridor (CPEC) deh USD 50 billion support kora pora Pakistan laga economy deh dekthari nahobo. Tai pora Chinese embassy jaga deh media logode kowah toh, CPEC toh Etu pora Pakistan aro China nemide jetibole laga project ase. Etu pora Pakistan logode besi lub pabole ase. Yao pora kowah toh, CPEC pora China khan ekala ke nahoi kena Pakistan logode be lub pabole ase aro Chinese companies khan ekala lub pabo kowah toh mesa ase. Ambassador pora kowah nesana CPEC toh Pakistan economy logode dekthari nahobo. China’s deputy ambassador Lijian Zhao pora kowah toh, China’s pora Pakistan logode 6.3 percent debt kora toh Pakistan laga total debt ase. 2020 pora 20221 tak Pakistan pora USD 300 million aro USD 400 million debo lagibo koise. Lijian pora kowah toh, CPEC pora 700,000 jobs toh 2030 pora bonabo aro 2022 pora Pakistan khan energy lagi thaga toh China pora sob debole ase. Deputy ambassador pora kowah toh, CPEC laga project toh 2019 agae moina time pora suru hobo. Tai pora kowah toh, 22 project laga deh 10 project toh kothom hoise. Tai pora be aro kowah toh, Iran aro Afghanistan khan be ahhibole din phalli CPEC laga part hoijabole asde. Amnassador pora kowah toh China pora 22 project laga deh USD 19 billion phelaise.