Pittsburgh synagogue jaga deh hamla pora 11 jun moraidese

Agencies, 28 October: PTI reports hesab deh, Saturday Pittsburgh jaga Sabbath religious services loi thaga time deh ekjun manu bondukh pora hamla korise.Etu pora nai-nai koile be 11 jun moraidese aro tusara besi jun jokhom powah thakise. Squirrel Hill area, Tree of Life Congregation Synagogue jaga deh hamla howah bechide ekjun manu logode suspect pora thuri kena ase.Law enforcement official khan pora jani powah hesab deh etu manu laga naam toh Robert Bowers (46) ase. Local media reports hesab deh, hamla pora 11 jun manu moraidese aro tusara six jun ke jokhom paise. Etu jokhom powah majode tinta policeman be meli kena ase. Suspect pora thuri kena thaga manu ke hota-hoti kori ase aro tai ke hospital deh sai ase. Morning service nemide synagogue jaga deh besi jun manu jama howah thakise. Etu time dehe hamla toh howah ase. Etu toh ke karni hamla korise phatse janipowah nai. President Donald Trump pora Indianapolis laga airport jaga deh reporters khan logode kowah toh, besi manu mori kena ase aro besi manu ektum beya pora jokhom pai kena ase kowah thakise.