Mumbai, February 9,2024: Actor aru producer Richa Chadha aru Ali Fazal tai jun Instagram dhe announce kurishae ekta adorable post lokot tai laka pregnancy dhe. Richa Chadha aru Ali Fazal taijun baby expect kuri ase. Etu actor dho achi kali producer laka kam shuru kurishae aru tai laka film Girls Will Be Girls dhe award jitishae koto ki Sundance Film Festival dhe premiere kurishae juwa mohina.
Friday dhe Richa aru tai laka mota Ali Fazal para taijun nejor laka Instagram laka account dhe jaikina ekta joint post share kurishae. First wala photo dhe dho ekta unusual equation : 1+1=3 enika takishae aru dusra wala photo dhe couple dho taijun ekjun ekjun laka soko dhe sai takishae.
Taijun laka caption dhe , “ Ekta tiny heartbeat dho sobse dangor awaz ase moikan laka duniya dhe” enika likina takishae.
Richa aru Ali dho taijun laka popular franchise Fukrey laka set dhe lok baishae. Tai kan 2022 laka sal dhe sathi kurishae. Taijun screen space ekta share kurishae Netflix India Original laka Show Call My Agent dhe. Tai kan recently awaz lend kuriboli deshae Audible Original Virus 2062 dhe. Taijun actor apra producer turn kurishae Girl Will Be Girls laka film lokot aru etu film para tuida award dho jitishae.
Ekta interview dhe Hindustan times lokot Richa para koishae ki production house dhe eki lokot kam kura dho easy taka nai. Moi taiki koi takishae ki moi nejani kiman smart hubo laki kam lokot takiboli. Etiya moi taiki saili moi deadlines kan yad ahi, calls kuriboli aru emails kan pataboli. Moi enika eku babhibo mun nai tai ki sa time dhe.
Add Comment