Gangtok, February 09 : State assembly election hobole ageyte, Sikkim Chief Minister Prem Singh Tamang para Friday din te April 1, 2006 te nohoilebi etu picheyte appoint huwa state government employee khan nimitey Old Pension System wapas anisey koikina announce kurisey. Etu logotey, Sikkim state tu Northeast te Old Pension Scheme wapas anisey koikina announce kora first state hoisey.
Etu Old Pension Scheme wapas ana laga faisla tu Sikkim Services(Pension) Rules, 1990 laga provision te outline kurikina asey. Aro etu scheme para March 31, 1990 te nohoilebi etu laga ageyte Sikkim laga government job te appoint huwa manu khan ke faida pungchabole asey.
Etu announcement tu Sikkim laga manu khan ke faida pungchabole laga maksat para bisi alag alag scheme announce kora homoitey kurisey. Etu announcement khan tu February 9 te Public Ground Rangpo te Satate Level Temporary Employees’ Convention rakha homoitey kurisiley.
Naukri aro pension ke loikina alag alag scheme announce kurikina Sikkim laga sarkar para vote diya manu khan logotey connect hobole nimitey aro election season osor aha nimitey manu khan laga support pabole nimitey ekta dangor kadam uthai asey.
Etu convention chuli thaka homoitey ekta dangor announcement kora te state government laga temporary employee khan ke regular kuridiya laga nyom te bodli aniya tu bi shamil asey. Department of Personnel para notification issue kora hisap te, ekta post te dui saal para opor kaam kora, diabilities(gao thik thak nathaka) thaka temporary employee khan laga service ke etya regular kuridibo parey.
Aro ekta dangor kadam utha te, sarkar para poila te temporary employee khan ke regular kuridiya laga mamla te notification diya te bodli anisey.
Add Comment