New Delhi, February 12 : Siddharth Anand para direct kora movie “Fighter” tu duniya laga box office te ekdam bhal perform kuri asey. Etu movie tu January 25 te release hoisiley. Etu film bana manu khan para latest update diya hisap te release hoikina 10 din bhitor te Rs 300 crore laga milestone paar kora picheyte, etu aerial action drama tu Rs etya release hoikina 18 din huwa te Rs 337 crore poisa kamaisey.
Monday din te, Amil Kapoor para tailaga X (poila te Twitter) account te etu film tu dusra desh te kinaka perform kuri asey etu laga latest update share kurisey. Etu actor para etu film laga poster share kurisey kuntu te kamayi kora laga number print kurikina thakisey. Etu te enaka likhikina thakisey : “Duniya bhor te Rs 337 crore gross box office paar kurisey. India te 243+ Gross Box Office, dusra desh te 94+ crore.”Caption te Anil para enaka likhisey : “Fighter Forever(Indian flag emoji).”
Fighter film te Hrithik Roshan, Deepika Padukone aro Anil Kapoor asey. Etu aerial(haw ate kora) action film te Karan Singh Grover aro Akshay Oberoi bi thakey. Etu film tu Indian armed forces khan laga bahaduri, sacrifice aro desh bhakti) ke tribute diya hisap te banaisey. Etu film ke Viacom 18 Studios para Marflix Pictures logotey milikina banaisey. Fighter film te Hritik Roshan aro Deepika Padukone tu first time ek sath kaam kora laga asey.
Add Comment