New Delhi, February 15 : Shah Rukh Khan tu Dubai te huwa World Governments Summit 2024 laga hisa thakisey. Tatey, tai para tailaga professional life aro tai kinimitey ekta bi international film laga hisa huwanai etu laga kotha koisey. Etu session te, tai hosa te ki kuribole iccha asey etu janaisey. Aro etu bi koisey ki tai tu tailaga career khotom kuribole mon asey, hoilebi etu kuribole ageyte tailogotey aro 35 years baki asey.
Tai para etu summit te kotha kora homoitey koisey, “Ami para amilaga career khotom kuribole mon asey, kuntu nimitey aro bisi homoi baki asey; ami logotey aro 35 years asey. Ami hosa bi enaka film banabole mon asey kuntu ke pura duniya para khusi pabo. Aro enaka nisna dangor stage te kupara bi amikey ‘Apni ki nimitey paar huwanai’ etu nuhudibo. Film para amikey paar kuribo lagey.”
Shah Rukh Khan para jitya tai 2018 para 2023 tak industry para break loisey etu homoitey tai ki kuri thakisey etu bi janaisey. Tai para koisey ki etu homoitey tai pizza banabole sikhisey aro etya duniya te sobsey bhal pizza banai. Tai tu etu nimitey bi dhanyabad thakisey ki tailaga pura parivar para enaka bhabna koranai ki tai tu film para tu pizza hey bhal banai. Aro taikey wapas film banabole nimitey push kurisey. Tai para James Bond laga role kuribole tailaga iccha bi janaisey, hoilebi tailaga height tu etu role nimitey bisi khata asey koikina manisey.
Tai para 2023 te 3ta film release kurisey- Pathaan, Jawan aro Dunki. Etu 3ta film bi hit thakisey aro Jawan tu utu saal laga sobsey bisi kamayi kora film thakisey.
Add Comment