Mumbai, February 21 : Actor Kartik Aryan para tailaga nutun film Bhool Bhulaiyaa 3 nimitey ekta nutun ‘mystery girl’ tease kora picheyte, tai para tailaga nutun co-star : Triptii Dimri ke unveil kurisey. Wednesday din te instagram te, Kartik para ekta puzzle piece post kurisiley kuntu te ekjun maiki laga adha chehra thakisey.
Last te tai para etu tu reveal kurisey ki etu maiki tu Triptii Dimri asey, kun Ranbir Kapoor laga film- Animal te thakisey. Taikey etya Bhool Bhulaiyaa 3 te dikhibole asey.
Kartik para etu horror comedy film te Triptii laga entry ke tease kurikina bisi post share kurisey. Ekta post te ekta picture thakisey kuntu te ekta darawana smile kora chukri thakisey kuntu para mon te bhoi khilaidiye. Etu picture ke share kurikina Kartik para likhisey, “Etu Bhool Bhulaiyaa ke solve kuribi”
Etu post te react kurikina ekjun fan khan para Triptii laga naam loikina alag alag comments disey.
Etu moina first fale, Vidya Balan, kun 2007 laga horror-comedy film Bhool Bhulaiyaa te Manjulika laga role kurisiley, tai tu etu film te wapas ahisiey.
Kartik, kun etu film laga second part te main actor thakisey tai tu Part 3 te bi lead role te dikhibo.
Bhool Bhulaiya 2 te, Kartik para Tabu aro Kiara Advani logotey screen space share kurisey.
Add Comment