India, 22 Febraury: Indian Premier League (IPL) notun season laga schedule toh Thursday deri dey janai diwoley asey aro itu event toh live telecast kuribo. India pacer Mohammed Shami toh reports hisab dey tournament laga bahar ulai dishey ekta left ankle jokhum karoney, news agency PTI laga hisab dey. IPL chairman Arun Dhumal para janai dishey ki board para khali agey 15 din laga schedule janai diwi kitia tournament lagq date toh Lok Sabha Elections 2024 logot clash huwoley asey. Delhi Capitals taikhan laga agey tuita home khel Arun Jaitley Stadium para duur jaina khilibo parey. Itu tournament toh March 22 dey shuru huwoley expect kuri asey Chennai dey.
IPL 2024 toh India dey khilibo, itu tournament laga chairman, Arun Dhumal para kua hisab dey. Juti Lok Sabha 2024 Elections itu homoi thakibo, itu tournament toh alag desh dey shift nakuribo.
IPL toh March 22 dey shuru huwoley taiyar asey aro juti itu desh dey general elections thakibo, pura tournament toh itu desh dey luwo. Khali agey 15 din laga schedule toh janai diwo, kitia pachina thakia khel laga dates toh general election dates laga dates khan janai dia piche dey determine kuribo.
2009 dey, pura tournament toh South Africa dey khilishey, kitia 2014 dey, IPL toh UAE dey general elections karoney luishey.
Huilewi, 2019 dey, itu tournament toh pura puri India dey khilishey.
Kitia itu tournament March 22 dey shuru hui, final toh May 26 dey khiliboley expect kuri asey, muin dey T20 World Cup rakhina, kuntu June 1 dey shuru hui asey.
Indian Express hisab dey, Delhi Capitals toh taikhan laga agey tuita home khel toh Pune aro Cuttack dey khilibo kitia Delhi toh itu matches ke host kuriboley taiyar nathakibo.
Add Comment