US, 22 February : United States President Joe Biden laga khantan kutta, Commander, White House dey Secret Service agents ke 24 par kamurishey aro alag locations, CNN dey ekta reports hisab dey. Presidential bodyguards karney itu German Shepherd laga chaos depth toh US Secret Service archives dey document kuri asey.
Ekta senior agent para dikhishey ki Secret Service para taikhan laga approach podli kurishey aro bishi room diwoley officers khan ke advise kurishey. US Secret Service Presidential Protective Division dey thakia incharge ekta special agent para taikhan laga team ke June 2023 dey likhishey aro kuishey, “Itu recent dog bites para muikhan laga operational tactics adjust kuriboley challenge kurishey kitia Commander present thakey – morom para bishi room diwi.” Tai itu agents ke warn kurishey.
Itu warning toh itu kutta ke White House para nahadai dia olob mahina agey ulaishey, kamuria laga bishi ghatna thakia karoneu.
Itu notun records kuntu ekta Freedom of Information Act request logot para luishey, kui asey ki October 2022 aro July 2023 maju dey, kamuria laga kom se kom 24 instances thakishey, kutey Secret Service agents ke wrist, forearm, elbow, waist, chest, thigh, aro shoulder dey kamurishey. Kitia itu documents khali Secret Service ke ke cover kurey aro White House aro Maryland laga Camp David dey cover nakurey, itu German Shepherd para kamuria sob ghatna taikhan namilaina thakibo parey.
Add Comment