Mumbai, February 22 : Ali Fazal tu Bollywood industry te sobsey bisi versatile(alag alag role) kora actor majotey ekjun asey. Etu actor para bisi role kurisey jaiseki Mirzapur te ‘Guddu Bhaiya’ aro Fukrey para ‘Zafar’ asey. Etya, etu actor tu ekta dangor film ‘Lahore 1947’ laga ekta hisa hobole asey. Ali para officially announce kurisey ki tai tu ekta important role play kuribole asey. Fazal ke charikina, etu movie te lead role te Sunny Deol aro Preity Zinta bi asey.
Juwa hapta, etu reveal kurisey ki Sooryavanshi, Dhol, Goliyon Ki Raasleela Ram-Leela, Kisi Ki Bhai Kisi Ki Jaan te kaam kora actor Abhimanyu Singh tu etu film te Sunny Deol laga opposite te villain laga role kuribole nimitey etu film join kurisey. Etu project te, Sunny Deol, Rajkumar Santoshi aro Amir Khan ek sath kaam kuribole asey.
Etu film te Preity Zinta aro Shabana Azmi bi asey. Olop din ageyte, Santoshi para etu film te Preity shamil thaka nimitey tailaga excitement share kurisiley.
Lahore 1947 te Preity aro Sunny tu bisi lamba homoi picheyte ek sath ahibole asey. Etu duijun tu olop din ageyte ‘The Hero : Love Story of a Spy’, ‘Farz’ aro ‘Bhaiaji Superhit’ nisna bisi film te eksath kaam kurisiley.
Add Comment