Mumbai, February 23 : Kareena Kapoor, Tabu aro Kriti Sanon tin-jun bi taikhan laga nutun movie ‘Crew’ logotey dhamal machabole asey. Friday din te, etu film laga makers khan para etu movie laga ekta poster unveil kurisey , kuntu te Kareena, Tabu aro Kriti tu ekta red colour laga Flight Attendant uniform te thakisey. Idea nathaka manu khan nimitey, olop hapta ageyte etu film laga ekta chutu clip release hoisiley, aro etya etu film laga first poster bi release hoisey. Crew laga uniform te sob 3-jun actress bi eman sundur dikhi thakisey.
Kareena Kapoor para Instagram te etu poster share kurikina koisey ki etu film tu March 29 te release hobole asey. Aro Kareena para koisey ki etu film te Tabu, Kriti aro Diljit Dosanjh thakibole asey. Aro Kapil Sharma tu special appearance dibole asey. Etu movie tw, etu 4jun actor tu flight crew membwe hobole asey. Taikhan tu red colour laga uniform aro blue hat lagaikina thakisey.
Etu film laga poster online ja logalog, Kareena laga fan khan para comment section te morom aro appreciation para spam kurisey.
Etu movie ke Rajesh Krishnan para direct kurisey. Aro Ekta Kapoor aro Rhea Kapoor para poisa laga modod disey. Etu movie tu March 29, 2024 te release hobole asey. Etu movie tu March 22 te release hobole thakisey, hoilebi etu film bana manu khan para etu film release huwa laga tarik ke agey barabole faisla kurisey. Etu film logotey Ekta Kapoor aro Rhea Kapoor tu dusra bar milikina kaam kuri asey. Etu laga ageyte, taikhan duijun tu 2018 te “Veere Di Wedding” tee key logotey kaam kurisiley.
Add Comment