February 24, 2024: 1.5 million nishi nah Palestinians civilians kan Southern Gaza laka Rafah city deh basi nah ase Israel kan dama dam bomb kan girai dia piche deh aro ground offensive kan kura piche deh. Enaka kura tho Palestinians kan jaka nata kina south laka direction deh heh polai taki shae aro sob manu kan Rafah laka jaka deh ahi jai shae.
First deh Rafah tho ekta “safe Zone” ase kui nah designate kuri shae, hoile b itia Israel laka airstrikes kan Rafah laka jaka keh target kuri ase. Manu kan kun violence para polai jai ase, itia tho pola bole safe jaka nata hui shae. Jua hapta para Rafah laka size tho bishi dangor hui jai shae. Ekso nishi nah displaced Palestinians kan towns kan deh tents kan dali nah bui jai shae. UN Officials para Rafah deh hamla kuri shae koile ekdum bia hobo kui shae aro assault laka rasta deh 6,00,000 laka upor bacha kan ase kui shae. Town laka osor deh b jai shae koileh humanitarian aid system tho collapse hui jabo kuto Gaza laka population keh zinda raki bole duk pai ase. Israel laka Western allies para b jinta tho express kuri shae etu move deh.
Add Comment