February 24, 2024: Friday din deh Assam cabinet para taikan laka nod di shae Manipuri laka kotha tho chartha district deh associate official language taki bo kui nah. Etu tho taikan Assam Official Language Act, 1960 amend kuri nah kuri shae.
Chief minister Himanta Biswa Sarma para Cabinet kan Assam Official Language (Amendment) Bill 2024 keh approve kuri shae kui shae chartha district deh Manipuri kotha tho recognize kuri bole – Carchar, Karimganj, Hailakandi aro Hojai.
Decision kuto ekta late night cabinet meeting deh lui shae, etu tho Manipuri manu kan laka cultural, social aro linguistic identity keh preserve aro promote kuri bole laka interest deh kuri shae.
“Bill tho ekta nutun Section 5B keh dali nah Assam Official Language Act, 1960 tho amend kuri bole mun jai. Etu para Manipuri kotha tho chartha district deh Associate Official Language ase kui nah recognition d bo,’ cabinet decision para read kuri shae.
“Decision tho Manipuri manu kan laka interest deh lui shae, taikan laka cultural, social, linguistic identity aro heritage promote aro preserve kuri bo karne,” Cabinet decision para read kuri shae.
Add Comment