New Delhi, February 28 : Do Raaste, Prem Nagar, Upkar aro Bobby nisna purana film te negative role kora Prem Chopra tu Indian Industry film te naam kamaisey aro nijor ke villain laga role te raja laga layak banaisey. Tai para Indian film industry te khali nijor nimitey naam kama ekla nohoikina, dusra desh te kunba dangor yaadgar negative role logotey bi naam kamaisey.
Bollywood industry laga actor aro tailaga junior- Naseeruddin Shah, Anupam Kher aro Anil Kapoor laga kadam te chulikina Prem Chopra para 2012 te first Hollywood film, Heartland kurisiley. Hoilebi, ekta interview te Chopra para koisey ki tai para English film kitya bi nukuribole faisla kurisey.
Tailaga first Hollywood film Heartland laga khulasa kora homoitey aro English dialogue kobole mana kurikina, Chopra para enaka koisey, “ Ami logotey ekta offer thakisey. Kunba ami logotey ahisey aro koisey ki taikhan tu ekta English film banai thakisey, ekta Hollywood production kuntu te American actor khan asey. Tai para amikey koisey ki etu tu Godfather ke tribute diya laga thakisey. Ami para etu film kuribole tayar hoisey etu bhabikina ki ami Godfather laga role kuri asey. Hoilebi, jitya ami set te pungchisey, amikey koisey ki ami tu Godfather nohoi. Aro Godfather tu etu film laga ekta character thakisey. Ami para kunba American film kurisey, jaiseki Heartland kuntu tu pura America te release hoisey. Ami para etu film te sardar laga role kurisiley.”
Taikey English bhasa te dialogue dibole lagiya film kuribole mana kora laga kahani tu enaka koisey ki etu film tu Punjabi-English thakisey.
Add Comment