New Delhi, February 28 : Yami Gautam, Priyamani aro Arun Govil thaka Article 370 tu Gulf desh khan te ban huwanai. Aro etu film nimitey certification pabole rukhi asey.
Etu ageyte, etu film laga public relations team para dawa kurisiley ki Gulf desh khan te etu movie ban hoikina asey.
Etu action political drama, te Yami Gautam lead role te asey. Aro etu film ke National Award-winner Aditya Subhas Jambhale para direct kurisey. Etu ke Jyoti Deshpande, Aditya Dhar aro Lokesh Dhar para produce kurisey. Article 370 tu February 23 te cinema te release hoisey. Aro box office te bhal perform kuri asey.
Actor Yami Gautam para Monday din te koisey ki etu film lag acast aro maker khan logotey etu film laga opor te pura biswas thakisey. Yami para koisey ki taikhan ke etu film tu box office te kamyabi hasil nukuribo aro film sa manu khan para enaka subject(mamla) khan khusi napai koikina koisiley.
Etu film laga kahani laga kotha kurikina, Yami Gautam para koisey, “Amikhan logotey etu film laga opor te pura biswas thakisey aro audience laga favour pabole laga bi pura hope thakisey. Tai para koisey ki jawan manu khan para etu film sabo lagey kilemaney etu te eku propaganda nai.
Etu film tu Jammu and Kashmir te shooting kurisey. Article 370 film tu India laga Constitution etu Article ke cancel kuridiya laga asey. August 5, 2019 te Union Government para etu Article 370 ke cancel kuridisiley.
Add Comment