February 28, 2024: Russian opposition leader Alexei Navalny laka funeral Friday din deh lubo ase Moscow deh, taila spokesperson para kui shae. Taila funeral tho Moscow laka southeast Maryino district deh taka church keta deh hobo Friday afternoon deh, Kira Yarmsyh para kui shae Tuesday din deh. Burial tho ekta osor deh taka cemetery deh hobo.
“Alexei laka funeral ekta church deh lobo leh ase. Maryino laka jaka deh. Date aro time tho 1st March, 14:00 ase. Advance para ahi b,” taila team para ekta social media post deh kui shae
Navalny laka death certificate isap deh, tai tho natural cause para muri nah ase. Taila ama para tho authorities kan keh accuse kuri shae. Taila ama para kwa isap deh, Authorities kan para taila ama keh Navalny karne kta private funeral lubo leh blackmail kuri shae.
February laka middle deh Navalny muri jai shae. Tai Russia laka sobse harshest penal facilities deh muri shae. Russian authorities para taila death laka cause tho itia b unknown ase kui shae. Aro investigation laka results kan tho bahar jaka deh question hobo nishi nah ase. Bishi wak Western leaders kan para taila death tho Russian President Vladimir Putin karne ase kui nah ase.
Add Comment