Rescuers pora mora manu laga parts 10 bags full korise

Jakarta, 30 October: Tuesday din Lion Air jet kera jaga deh Indonesian search teams khan pora manu laga parts khan besi paise. Khobor hesab deh, etu agae din phalli etu flight laga function thek nathaga pora kera ase janipaise. Etu fight deh 189 manu thaga ase. Boeing-737 MAX toh service suru hoi kena ek moina he howah bechide Java Sea jaga deh kerise. Java Sea deh nakera agae deh Monday din Jakarta jaga deh korai ahhibe kowah thakise. Flight JT 610 ora bechide achanak altitude lost howah thakise aro take-off kori kena 12 minutes howah bechide haraija thakise. Witnesses khan pora jet toh pani pethor deh kera dekhise koi kena authorities pora janaise. Etu hatsa howah jaga deh manu khan ke besaribo karni dozens divers khan be thakise. Indonesian national search aro rescue agency laga chief Muhammad Syaugi pora Metro TV deh janaideya toh, search teams khan pora limbs aro tusara human logode 10 body bags full korise. National deputy police chief Aro Dono Sukmanto laga hesab deh, powah khan majode bacha laga body be meli kena ase. Tusara debris logode 14 bags full kori kena thagabe jama korise. Powah khan majode shoes, cloth aro wallet be thakise. Indonesia’s National Transportation Safety Committee (NTSC) pora board flight JT 610 deh 178 adult passengers, one child, two infants, two pilots aro six cabin crew thakise koise.