New Delhi, February 29 : Deepika Padukone aro Ranveer Singh tu taikhan laga first baccha expect kuri asey. Deepika aro Ranveer Singh tu 6 saal dating kora picheyte, 2018 te shaddi kurisey. Thursday din te taikhan duijun para Instagram te Deepika pregnant huwa laga news announce kurisey. Taikhan para share kurisey ki taikhan laga baby tu September moina te pabole asey.
Ekta source laga hisap te, Deepika tu tailaga second trimester te asey .
Tailaga pregnancy laga kotha tu tai para London te huwa 77th BAFTA red carpet te tailaga pet lukabole kosis kora picheyte olaisiley. Etu awards ceremony nimitey tai shinning saree aro Sabyasachi Mukherjee para bana gehna lagaisiley.
January 2024 te Vogue Singapore ke diya statement te, Deepika tu ama hobole laga iccha jataisiley, tai para koisey, “Ranveer aro ami tu baccha khusi pai. Amikhan para etu din nimitey rukhi asey jitya amikhan nijor laga parivar suru kuribo.” Tai para tailaga parvarish laga bi kotha kurisey. Aro naam aro poisa thaka laga bawajut bi ekta balance te thakibole kiman jaruri asey etu te gour kurisey.
Tai para koisey ki etu industry te, naam aro poisa para behki jabole asaan asey. Hoilebi taikey ghor te kun para bi ekta celebrity nisna suluk nokorey. Tai tu sobsey poila ekta chukri baccha aro didi asey. Aro tai tu etu ke bodli hobodibo mon nai. Tailaga family para taikey ekta balance te rakhey aro Ranveer aro tai para taikhan laga baccha ke bi enaka ekey sikh dibole mon asey.
Bollywood Industry laga actor, actress khan jaiseki Priyanka Chopra Jones, Shreya Ghoshal, Vikrant Massey aro Alia Bhatt para etu mota maiki ke etu bhal khobor nimitey badhai disey.
Add Comment