Mumbai, February 29 : Popular Singer Rihana Thursday din te Anant Ambani aro Radhika Merchant laga pre-wedding(shaddi hobole ageyte huwa) event nimitey pungchisey. Rihana ke Jamnagar airport te dikhisey. Anant Ambani aro Radhika Merchant laga shaddi ageyte hobole thaka 3-day event tu March 01 para suru hobole asey. Agey barikina, Rihana etu event hobole thaka jag ate pungcha laga ekta video online te viral hoisey. Etu shaddi ageyte hobole thaka jashan te perform kuribole thaka artist majotey Rihana tu ekta sobsey mashoor celebrity asey.
Etu video tu internet te chuli asey, kotey Rihana ke ekta kala top aro kala pant pinda aro ekta bag bukha dikhisey. Rihana laga alava etu jag ate J Brown, Nicki Minaj, Adam Blackstone aro dusra international star khan ke bi dikhisey.
Indian celebrity jaiseki Arijit Singh aro Diljit Dosanjh bi etu dangor event laga ekta hisa hobole asey. Etu dangor event te, etu sob singer khan para guest khan ke khusi koraidibole asey.
Taikhan laga shaddi laga ageyte huwa tyohar ke suru kuribole ageyte Anant Ambani aro Radhika Merchant tu manu khan ke modod kora nohoilebi samaj te kiba ekta bhal kora laga kaam khan kurisey.
‘Anna Seva; koikina ekta first event para taikhan laga jashan laga suruwat kurisey.
Add Comment