Istanbul Consulate deh Saudi Prosecutor log korise

Istanbul, 30 October: Tuesday din Saudi Arabia’s public prosecutor toh second round Turkish officials logode kotha kora thakise aro jar-hapta agae journalist Jamal Khashoggi mora Istanbul consulate jaga deh jaa thakise. Khashoggi’s mora toh duniya laga top oil exporter Saudi Arabia khan ketum dukh pai ase aro tai khan etu mora deh eku role nai koikena ase. Prosecutor Saud Al Mojeb toh Sunday rati Istanbul jaga deh pongja thakise aro Istanbul’s chief prosecutor logode Monday din kotha kora thakise. Tuesday din second par karni tai Turkish prosecutor, Irfan Fidan logode court house jaga deh log kora thakise. Etu bechide tai consulate jaga deh jaise koikena Turkish broadcaster NTV pora janaise. Washington Post columnist aro Saudi Arabia’s de facto ruler Crown Prince Mohammed bin Salman laga opponent Khashoggi toh consulate laga pethor deh mora ase. Tai tati tai laga forthcoming marriage laga documents pabo karni jaa laga ase. Saudi officials pora Khashoggi toh paperwork kothom howah bechide Oct. 2 deh chara thakise koise. Hoilebe Turkish officials khan pora kowah toh, Saudi Arabia pora potha team pora moraidese pari koikena biswas kori ase.  Monday deh, Turkey’s Foreign Minister Mevlut Cavusoglu pora Riyadh logode call kora thakise. Etu xall kora toh investigation joldi kothom koribo karni call kora ase. Tai pora sob hosha khan toh olabo lagi koise. Turkey pora Khashoggi’s moraideya 18 suspects khan ke Turkish court deh mathise. Hoilebe Saudi Arabia pora tai khan logode kingdom deh justice  koribole ase koise.