February 29, 2024: Aha 18th Lok Sabha 2024 laka connection deh, Deputy Commissioner & District Election Officer, Kohima para Elections Expenditure Monitoring team lokot deh ekta meeting lui shae 29th February 2024, DC Office Conference Hall, Kohima deh.
Meeting deh, Deputy Commissioner aro DEO Kohima Kumar Ramnikant para officials kan keh election duty tho seriously lubi kui shae aro primary importance tho tateh di b kui shae. Tai para EEM Team keh Election Expenditure Monitoring handbook laka guidelines kan bhal para puri b kui shae election aram seh conduct kuri bo karne. DC Aro DEO para officials kan keh responsibility tho serious para lu b kui shae aro sob teams kan keh eki lokot kam kuri b kui shae election laka successful conduct karne. DC aro DEO para election duty para exemption kan entertained nakuri bo kui shae.
District Nodal Officer for Election Expenditure Monitoring (EEM), Deputy Registrar, Nagaland Cooperative Societies, Bokato Hesso para election time deh EEM Team laka role ki ase etu deh detailed information di shae. Tai para Election Seizure Management System (ESMS) App laka usage tho highlight kuri shae EEM personal kan keh.
Agae deh Assistant Election Officer Kohima, Olivi Thurr para meeting tho chair kura time deh EEM team keh inform kuri shae Assistant Expenditure Observers, Video Surveillance Team (VST), Video Viewing Team (VVT), Accounting Team, Flying Squad Team (FST), Static Surveillance Team (SST) aro Control Room automatically activate hobo kui nah election laka date announce hua piche deh. Tai para aro officials kan keh vigil taki b kui shae aro ECI Guidelines isap deh taikan laka duties discharge kuri b kui shae.
(Khekiya IA Kohima)
Add Comment