Agencies, 30 October: Tuesday deh Bngladesh court pora purana prime minister Khaleda Zia’s double saja honaidese. Tai logode corruption case karni saja toh 5 pora 10 sal tak karni othaidese. Etu mana toh tai logode tusara graft case nemide seven sal jai saja honaideya bechide ase. High Court bench deh Anti-Corruption Commission’s mana bechide M Enayetur Rahim and Justice Mostafizur Rahman pora result janaideya thakise. Etu janaideya toh Xia’s logode Orphanage Trust corruption case nemide saja othaidebole janaideya thakise. ACC lawyer Khurshid Alam pora reporters logode kowah toh, etu saja honai deya pora Zia toh ahhibole laga election deh thakibole naparibo. February 8 deh Dhaka court pora orphanage corruption case nemide Zia logode five sal saja honaideya thakise. Tai laga bacha Tarique Rahman aro tusara Kamal Uddin Siddique, Salimul, Sharfuddin, aro Ziaur Rahman’s nephew Mominur Rahman logode 10 sal saja honaideya thakise. Etu time pora Zia toh former central jail deh thaga laga ase. October 6 deh tai logode Bangabandhu Sheikh Mujib Medical University hospital jaga deh loija thakise. Tati tai logode aji kali treatment pai ase.
Bangladesh court pora purana PM Zia logode aro saja dese
Add Comment