Guwahati, March 07 : Prime Minister Narendra Modi para Assam te visit kuribole thaka homoitey, Rs 18,000 crore laga development project unveil kuribole asey.
Assam Chief Minister Himanta Biswa Sarma laga hisap te, PM Modi tu Tezpur airport te Friday(March 08) laga shaam te Kaziranga National Park and Tiger Reserve fale jabole ageyte pungchibole asey, kotey tai tailaga rati bitabo.
Assam CM para koisey, “Saturday (March 09) phujur te, Prime Minister para Kaziranga laga alag alag biodiversity ke explore kuribo aro etu picheyte phujur 5:30 am para Jeep aro elephant safari suru kuribo.”
Tatey visit kora homoitey, PM Modi para nutun construct kora Tinsukia Medical College inaugurate kuribole asey aro Assam laga Sivasagar district te ahibole thaka ekta medical college nimitey foundation stone dhalibole asey.
Etu opor te, tai para Guwahati Refinery aro Digboi Refinery nimitey expansion project launch kuribole asey. Kuntu te Rs 510 crore aro Rs 768 crore khorcha hobole asey.
Rs 3992 crore pipeline project laga inauguration para Barauni ke Guwahati ke connect kuribole asey, etu bi PM Modi laga visit te ekta highlight hobole asey.
Agey barikina, PM Modi para tailaga journey laga hisa te Saturday (March 09) te, Arunachal Pradesh te program khan schedule kurisey.
NCP para Arunachal Pradesh assembly election 2024 te sob 60 seat te contest kuribole
Itanagar, March 07 : Nationalist Congress Party (NCP) para Arunachal Pradesh legislative assembly laga sob 60 seat te contest kuribole laga faisla kurisey.
Etu faisla tu ekta party meeting te kurisiley, kuntu ke NCP national president Ajit Pawar aro dusra senior party leader jaiseki Praful Patel aro Brijmohan Shrivastav para state unit chief Likha Saaya para chola state party leader logotey attend kurisey.
Bisi lamba discussion kora picheyte, taikhan sob para milikina etu monjur hoisey ki NCP para Arunachal Pradesh te hobole thaka Assembly election laga sob 60 seat te active para contest kuribo.
Etu strategic faisla para Arunachal Pradesh laga manu laga interest ke represent kuribole laga commitment ke underscore kuri asey aro rajya laga rajneetik discourse te bisi dangor contribute kuri asey.
Brijmohan Shrivastav para agey barikina samjhaisey ki NCP para sob seat te contest kuribole laga faisla para Arunachal Pradesh te taikhan laga leadership te atmabiswas jataisey, taikhan laga vision aro rajya para jheli thaka mamla ke address kuribole laga takat.
Shrivastav para etu party laga firm resolve declare kora aro Arunachal Pradesh laga mission ke dedicate kora para affirm kuri asey ki NCP para Arunachal Pradesh assembly election 2024 te confidence jataisey, taikhan laga vision aro rajya para jheli thaka mamla ke address sob 60 seat te contest kuribole asey. Aro etu para party workers majotey josh olaidisey.
Add Comment