Mumbai, March 11 : Shah Rukh Khan tu Zee Cine Awards 2024 te Jawan nimitey Best Actor award jitisey. Aro fan khan para etu tu deserve thaka laga asey koi asey. Shah Rukh Khan para Zee Cine Awards 2024 laga stage te tailaga ekdam hilaidiya performance logotey fan khan laga mon jitiloisey. Hoielbi tai para award jita homoitey diya speech tu aro bisi attention pai asey. Tai para tailaga award tu poila tailaga dangor chokra Aryan Khan aro picheyte tailaga baccha Abram aro maiki Gauri Khan ke dedicate kurisey. Tai para Baap laga dialogue bi dhalisey kotey tai para koisey, “Jitya tak apni laga baba zinda asey, entertainment Zinda asey.”
Shah Rukh Khan kunlaga film Zero flop huwa picheyte bisi saal break loisey tai tu Pathaan logotey ekdam dangor comeback kurisey aro picheyte Jawan logotey kuntu tu etya tak tailaga career te sobsey dangor success hoisey. Tailaga ekta interview tw, Shah Rukh Khan para koisey ki tailaga chokra Aryan Khan para taikey enaka film kuribole koisey kilemaney tai aro Suhana para tailaga stardom dikhisey, hoilebi Abram para tailaga success dikhanai.
Shah Rukh Khan para tailaga ekta interview te koisey, “Ami para etu film kora laga asol reason kobo. Ekdin amilaga dangor chokra aro amilaga chukri para amikey koisey ki ami para enaka film kuribo lagey kuntu toh sobsey chutu chokra Abram nimitey bisi cool hobo. Aro ami para bhabisey tai para bhal lagiya cool bustu te anime aro action film asey. Etu nimitey ami para ekta superhero hobole faisla kurisey ami spandex te bhal nidikhey etu nimitey ami bandage dhalisey aro etu nimitey etu action film Etu nimitey hosa te bi ami action film korey kilemaney ami lag abaccha khan bisi impress hoijai ki ami kiba cool bustu kuri asey, amilogotey six-pack abs aro enaka bustu khan asey. Nohoile action film kuribole amilogotey eku alag waja nai.”
Add Comment