Mumbai, Marc 11 : Aamir Khan para confirm kurisey ki Sunny Deol laga chokra Karan Deol tu taikhan laga nutun film Lahore 1947 te thakibole asey. Olop din ageyte etu reveal kurisiley ki Karan Johar para etu film te ekta dangor character nimitey audition disey. Karan Deol ke etu film te Javed laga role kora dikhibole asey.
Aamir para ekta statement te koisey, “Ami bisi khusi asey ki Karan Deol para Javed nisna ekdam dangor role nimitey bisi bhal para test disey. Tailaga natural masoomiyat, sincerity aro imandari tu table te bisi kiki aney. Karan para nijor ke hosa bi apply kurisey, mehnat kurisey, ADISHAKTI logotey workshop kurisey, Raj logotey rehearsal kurisey aro tailaga sobkuch di asey. Javed tu ekta bisi bhal part asey, ekta bisi challenging part aro ami tu sure asey ki Raj Santoshi para para taikey direct kurisey koiley, Karan para bisi bhal perform kuribo.
Etu film te, Sunny Deol aro Preity Zinta ke main role te dikhibo. Etu film ke Aamir Khan Productions para produce kuri asey aro Rajkumar Santoshi para direct kuri asey. Lahore 1947 te Shabana Azmi, Abhimanyu Singh aro Ali Fazal bi thakibole asey. Abhimanyu tu Sunny Deol laga opposite te ekta villain laga role play kuribole asey.
Sunny Deol, Rajkumar Santoshi aro Aamir Khan tu etu film logotey first time ekey logotey ahi asey. Santoshi para Santosh Sivan ke bi etu film laga cameraman banaisey. Tai tu etu film te AR Rahman aro Javed Akhtar logotey bi milikina kaam kuri asey.
Add Comment