New Delhi, March 20 : English singer aro songwriter Ed Sheeranpara tailaga Mumbai concert nimitey ajikali India visit kora para bisi alag alag karon nimitey headline banaikina asey. Etu majotey ekta tu Kapil Sharma logotey ekta party te Kapil Sharma ke lok kora. Picheyte etu janibole paisey ki Ed Sheeran tu Kapil Sharma laga ahibole thaka Netflix series “The Great Indian Kapil Show” laga set te bi jaisey. Etya Kapil para confirm kurisey ki Ed Sheeran tu tailaga show te ahibole asey. Tai para Ed Sheeran logotey ekta photo post kurisey kotey taikhan ek dusra ke kheliya nisna finger point kurikina thakisey. Tailaga caption te, Kapil Sharma para Ed Sheeran laga music khusi pa tu jataikina koisey ki etu meeting para Ed Sheeran nimitey tailaga appreciation tu aro bisi gehra kuridisey. Kapil Sharma para Ed Sheeran laga mon bhal thaka nature laga tariff kurikina duniya ke tailaga manu ke hasaidiya laga side dikhabole tease kurisiley.
Kapil Sharma para likhisey, “Amikhan para apni laga gana tu poila para khusi pai thakisey Ed Sheeran hoilebi apni ke lok kora picheyte amikhan apni ke aro bisi khusi paisey. Apni tu ekta sweetheart asey. Duniya ke apni laga jokor side dikhabole rukhibo napara hoisey. “
March 30, 2024 te premiere hobole thaka etu Great Indian Kapil Show ke taikhan laga OTT debut nimitey bisi rukhi asey. Kapil Sharma aro Sunil Grover logotey etu te Archana Puran Singh aro Krushna Abhishek bi wapas ahibole asey.
Add Comment